2008年11月2日星期日

我是巨蟹我怕誰


朋友發現我是巨蟹座,驚覺暗忖多時的巨蟹女終於落網,兼且話,唔怪得之啦,我一早覺得你似架啦。巨蟹情緒化,沉溺眼淚擁抱悲情,不善於做決定,總有一種唔多識時務不顧後果只跟着感覺走的任性氣質。(所以我咪撈得咁唔掂囉!)如果我都俾人私疑係巨蟹座,咁阿根廷就一定是超級巨蟹王。

很多人都知道我是阿根廷足球的鋼絲,近年阿根廷國家隊一直糾纏在要華麗定要成績的兩難。貝隆夫人的"別為我哭泣,阿根廷!"更成為每次阿根廷在大賽中大熱落敗必然奏起的哀音。周中,阿根廷足協任命馬勒當拿做大國腳教頭,舉國超興奮,國際體育版卻差不多冇人睇好。可是,那是阿根廷,她自有一套浪漫價值觀;國家隊所反映的國家性格,更在阿根廷足球這門國球中表露無遺。

跟左阿根廷二十年,與其將這2010世界盃前最重要的一次易帥視為病急亂投醫,我倒寧願將任命肥馬看作”阿根廷拒絕以踢法歐化為解決國際賽低迷成績”的孤擲一注。肥馬是神話還是笑話根本不重要,關鍵是阿根廷人的思路──對上一次登上世界頂峰的是1986,咁由肥馬壓陣羅米美斯馬斯查呢班黃金一代咪岩數囉──浪漫率性到咁,阿根廷呢個大喜大悲的國度唔係巨蟹座至怪呀。

PS. 羅米美斯就係同月同日的巨蟹男!

沒有留言: