《世說詩語》──急症室有波睇（2014.07.07）

話說，上周我跟睇波團飛泰國去了。在香港危急存亡之秋，離港尋樂，或者，是有報應的。到埗當晚發生小意外，結果，巴西對智利一場十六強淘汰賽，我是在曼谷聖類思醫院急症室睇0既。

 

到曼谷後，一心到夜市吃過飯，準時在泰國時間晚上十一點(即香港時間凌晨十二時)前，返酒店坐定定睇南美大戰。車停定後心急下車，沒想到車子神神地，門掣失控，眼看就要夾向我腦門，本能地伸出右手去擋。於是，曼谷版滿清十大酷刑上演了--我右手四根手指變曬黑色，無曬知覺! 同行友人大驚失色，馬上把我送進就近醫院。扶着夜市亭警給我敷的冰袋，心想，今晚無得睇巴西對智利了。

 

素聞泰國人愛足球愛睇波，但沒想過泰國人愛到，連醫院急症室都不斷開着電視播世盃的地步。從登記、量血壓、照X光到付款，即是球賽法定時間睇到加時，再到踢十二碼險勝巴西兵痛哭，我全程在候診室不同位置近十部電視之間，穿梭往來斷斷續續觀看。X光室門外等醫生，推輪椅男護士還特意多開一部電視給我，當然他本人也睇埋一份。不過在醫院睇波，病人醫護都靜靜的，偶爾有起腳唔入，也只是低呼哎喲。這時候，倒有點懷念香港酒吧全場齊X的壯觀場面。

 

之後在酒吧睇波，歐美遊客一面倒捧歐洲隊，香港球迷的愛隊反而多元化。荷蘭對墨西哥，多想跟搭枱鬼佬說我們都喜歡墨西哥吳鎮宇。原來，我開始掛住香港了。

 

原載於《蘋果日報》足球版。