2014年7月10日星期四

《世說詩語》──捍衛我的髮型 (2014.07.10)

阿根廷對比利時,是旦台旁述員話--咦,阿根廷迪米捷利斯做咩無情情剪咗個咁0既頭呀,頭髮短晒我唔認得佢呀心想,藍白軍中長髮變短的大有人在,防中加高,甚至單天保至尊美斯很久以前,都齊齊長髮披肩。旁述員究竟認唔認到球員呢。比利時莫蘭尼、韋謝爾,在旁述員口中又係無名0既,只係被稱為爆炸頭、小爆炸頭。原來,綠茵場上的髮型,不啻是鐳射商標,提防假冒。
 
足球作為一種對抗性的劇烈運動,長髮固然為長時間場上奔跑帶來負荷。然而,在當代景觀化和鏡頭化的足球表演事業,球員在髮型上各出奇謀的亦屢見不鮮。上周新聞報道哥倫比亞名宿「金毛獅王」華達拉馬,復出踢慈善賽,爆炸金髮依舊,Q麥保證。名留(足球)髮史的,還有長髮一族阿根廷巴迪斯圖達、風之子肯尼基亞、墨西哥靴南迪斯、意大利派路;另類髮型,當然也少不了巴西朗拿度仙童頭、荷蘭古烈治辮子頭。世盃開鑼前,古烈治來港以SKIN HEAD示人,老實講,我完全唔認得佢。
 
翻查資料,2002世盃的尼日利亞後衛韋斯特,一頭襯()衫的綠色頭髮,無疑搶鏡。我印象更深刻的是同年世盃,碧咸有一名貌似隨身助理兼髮型師,賽事中搶頂後髮型塌下或紋理移位,助理殷勤加GEL,儼如明星化妝師,把星級髮型捍衛到底。當然,本屆最佳髮型非C朗莫屬,他的剷青大V圖案,無論是否一如傳聞中來自對開腦病童的支持,的確係幾型。
 
原載於《蘋果日報》足球版。

沒有留言: