我係男人？！

（圖：為咗睇歐聯決賽，我飛撲去買電視機。）






昨天閒聊時，聊到某女評論人溫柔謙厚。
朋友說，咁因為「你係男人」啫！男人？我係男人？

忽然想起2008年我學韓文時，時值歐聯爭標期間，鄰座男同學問我，你知唔知邊個係舒韋恩史迪加？我話，我知，「小豬」丫嘛。從此此人視我如兄弟。上月歐聯決賽前夕我去買電視，售貨員說要第二周才能送貨。我話，咁我唔要啦。售貨員問，點解呢？我話，聽晚歐聯決賽，你第二個禮拜先送貨，叫我點買呀？佢即狐疑問我，你睇？我話，係，我睇。近日報章雜誌瘋狂刊登「世界盃女士補習資料」一類的東西，教育女士咩叫「越位」之類。睇嗰一刻，我真係有啲懷疑，我真係「男人」！點解媒體和社會要咁定義「男人」和「女人」呢？！好奇怪呀！

我寫評論唔客氣有碗話碗係「男人」，我睇波睇到成精係「男人」？！如果我話，我下個目標係寫波經，咁我係咩呢？！
哈哈哈:)